BAKI,AzerVoice, Fərid Mikayılov
Azərbaycanlı FIFA referisi Elçin Məsiyev növbəti beynəlxalq təyinat alıb. O, DÇ-2026-nın seçmə mərhələsi çərçivəsində keçiriləcək Litva – Niderland matçında baş hakim funksiyasını icra edəcək.
AzerVoice xəbər verir ki, Məsiyevə köməkçi hakimlər kimi Elşad Abdullayev və Pərvin Talıbov dəstək verəcəklər.
Görüşün dördüncü hakimi isə təcrübəli referi Əliyar Ağayev olacaq. Oyunda VAR sistemi fransalı hakimlər Benoi Millo və Metyu Vernisin idarəsində olacaq.
G qrupunda baş tutacaq qarşılaşma sentyabrın 7-də Litvanın Kaunas şəhərində yerləşən “Daryus və Qirena” stadionunda keçiriləcək.
Bu təyinatla Elçin Məsiyev Azərbaycan hakimlərinin beynəlxalq arenada artan nüfuzunu bir daha nümayiş etdirib.
