BAKI, AzerVoice, Nailə Babazadə
2026 Dünya Kuboku Avropa play-off mübarizəsində iştirak edəcək Türkiyə A Milli Futbol komandası, yarı finalda Rumaniya ilə üz-üzə gələcək. Oyun 26 mart 2026-cı il tarixində keçiriləcək və Türkiyə ev sahibi olacaq.
AzerVoice xəbər verir ki, 2026 Dünya Kuboku Avropa play-offunun püşkü İsveçrənin Zürich şəhərindəki FIFA Mərkəzində atılıb. E qrupunu ikinci sırada tamamlayan Türkiyə millisi 1-ci torbadan püşkə qatılaraq, 4-cü torbadan Rumaniya ilə qarşılaşıb.
C Yolu çərçivəsində mübarizə aparacaq Türkiyə yığması, Rumaniyaya qalib gəlsə, 31 martda Slovakiya - Kosovo matçının qalibi ilə final oyununda görüşəcək. Bu finalın qalibi 2026 Dünya Kuboku üçün bileti qazanacaq.