BAKI, AzerVoice, Səməd Əyyubov – İtaliya A Seriyasının təmsilçilərindən olan "Komo", Alvaro Moratanın transferi ilə bağlı “Qalatasaray”la razılığa gəlib.
AzerVoice xəbər verir ki, bu barədə insayder Fabrizio Romano məlumat yayıb.
Uzun müddətdir gündəmdə olan bu transfer nəhayət rəsmiləşib və Qalatasaray bu transferdən 5 milyon avro gəlir əldə edib.
"Komo", Moratanın icarə müqaviləsini vaxtından əvvəl sonlandırmaq üçün “Qalatasaray”a ödəniş edəcək. Daha sonra, Moratanın transfer hüquqlarına sahib olan "Milan" klubu ispaniyalı hücumçunu "Komo"ya icarəyə verəcək.
Yeni icarə müqaviləsində məcburi satınalma şərtinin də yer alacağı bildirilib.
Qeyd edək ki, Alvaro Morata “Qalatasaray”da ümumilikdə 16 oyunda iştirak edib, 7 qol vurub və 3 məhsuldar ötürmə ilə yadda qalıb.
