BAKI, AzerVoice, Nailə Babazadə
Türkiyə Futbol Federasiyasının statistikalarına əsasən, Süper Liq tarixində ən çox xal toplayan komandalar siyahısı yenilənib.
AzerVoice xəbər verir ki, siyahıya 4438 xalla Fenerbahçe klubu liderlik edir. Sarı-lacivərtliləri 4401 xalla Galatasaray, 4215 xalla isə Beşiktaş izləyir.
Dördüncü pillədə 3035 xalla Trabzonspor, beşinci sırada isə 2191 xalla Bursaspor qərarlaşıb. Ankaragücü 2176 xalla altıncı, Gençlerbirliği 2071 xalla yeddinci sıradadır.
Ən çox xal toplayan ilk 10 komanda arasında Altay (1687 xal), Gaziantepspor (1363 xal) və Samsunspor (1318 xal) da yer alıb.
Bu statistika Türkiyə futbolunun tarixində klubların nə qədər sabit və uğurlu performans göstərdiyini bir daha ortaya qoyur.