Ronaldo "Əl-Nəsr"lə yeni müqavilə imzalayacaq

BAKI, AzerVoice

Beşqat “Qızıl top” mükafatı sahibi olan portuqaliyalı hücumçu Kriştiano Ronaldo yaxın günlərdə Səudiyyə Ərəbistanının “Əl-Nəsr” futbol klubu ilə yeni müqavilə imzalayacaq.

AzerVoice xəbər verir ki, tərəflər hazırda yeni müqavilənin son detallarını müzakirə edirlər. Söhbət ya bir illik və uzadılabilən, ya da birbaşa iki illik müqavilədən gedir.

Qeyd edək ki, 40 yaşlı Ronaldo 2023-cü ildən “Əl-Nəsr” klubunda çıxış edir. O, beş dəfə UEFA Çempionlar Liqasının qalibi, Avropa çempionu, Millətlər Liqasının qalibi, milli komandalar, Avropa çempionatları, Çempionlar Liqası və Klublararası Dünya Çempionatlarının tarixi üzrə ən yaxşı bombardiridir. Ronaldo həmçinin rəsmi oyunlarda 900 qol vuran ilk futbolçudur.