BAKI,AzerVoice
UEFA Çempionlar Liqasının yarımfinal mərhələsinin ilk oyununda Fransa təmsilçisi PSJ səfərdə İngiltərə klubu Arsenalı 1-0 hesabı ilə məğlub edib.
AzerVoice xəbər verir ki, Avropa futbolunun klublar səviyyəsində ən nüfuzlu turnirinin yarımfinal mərhələsinin ilk matçında Fransa klubu 4-cü dəqiqədə Usman Dembelenin vurduğu qolla 1-0 hesablı üstünlüyü əldə edib.
Fransız oyunçu Dembele bu mövsüm Çempionlar Liqasında səkkizinci qolunu vurub.
Arsenalın 47-ci dəqiqədə Merinonun başla vurduğu qolu VAR təhlili nəticəsində ofsayd səbəbi ilə ləğv edilib.
PSJ oyunu 1-0 hesabı ilə qalib başa vurub.
Qarşılaşmanın cavab oyunu 7 may tarixində keçiriləcək.
Həmçinin qeyd edək ki, vəfat etmiş Vatikan lideri Papa Fransiskin xatirəsinə hörmət əlaməti olaraq oyun öncəsi bir dəqiqəlik sükut olub.
