BAKI,AzerVoice

Barselona klubu, Almaniya yığmasının və Bayer Leverkuzenin müdafiəçisi Conatan Tahı transfer etmək niyyətində olsa da, hazırkı maliyyə çətinlikləri səbəbindən bu keçidi reallaşdıra bilmir.

AzerVoice xəbər verir ki, klub rəhbərliyi futbolçunun agentinə Tahın transferinin bu mərhələdə mümkün olmadığını bildirib.

Kataloniya təmsilçisinin yeni baş məşqçisi Hans-Diter Flik həmyerlisi olan müdafiəçini komandasında görmək istəyir.

Öz növbəsində Conatan Tah da gələcəyi ilə bağlı vəziyyəti yaxın zamanda aydınlaşdırmaq niyyətindədir və Dani Olmo ilə yaşanan qeyri-müəyyənlik dolu prosesi təkrarlamaq istəmir.

Xatırladaq ki, daha əvvəl Dani Olmo və Pau Viktoru Barselonaya qeydiyyatdan keçirməyə cəhd edən klubun müraciəti İspaniya Futbol Federasiyası və La Liqa tərəfindən rədd edilmişdi. Sonradan isə onların qeydiyyatı mümkün olmuşdu. Hazırda Tahın transferi ilə bağlı danışıqlar dayandırılıb və futbolçu may ayına qədər Barselonadan konkret addım gözləyir.

Qeyd edək ki, Tahın Bayerlə müqaviləsi 30 iyun 2025-ci ildə başa çatır. Futbolçunun hazırki bazar dəyəri 30 milyon avrodur.