Bakı,AzerVoice
Türkiyənin Beşiktaş UEFA Avropa Liqasının ikinci həftəsində Almaniya təmsilçisi Ayntraxt Frankfurt-u qəbul edəcək.
AzerVoice xəbər verir ki, görüş bu gün Bakı vaxtı ilə 23:00-da oynanacaq.
Ev sahibi komandanın heyətində Liviyalı futbolçu Moatasem Əl Musrati zədə səbəbindən oyunu buraxacaq.
İki komanda avrokuboklarda ilk dəfə qarşılaşacaq. Avropa Liqasının ilk həftəsində Hollandiyanın Ajax komandasına 4:0 hesabı ilə uduzan qara-ağlılar, Frankfurt-u geridə qoyaraq azarkeşlərini sevindirməyə çalışacaq.
Qeyd edək ki, Beşiktaş bu mövsüm keçirdiyi 10 oyunda meydanı bir məğlubiyyətlə tərk edib. Bu görüşlərdə 27 qol vuran qara-ağlar öz qapılarında 12 qol görüb.
