Bakı,AzerVoice

Fevralın 24-də keçiriləcək Qalatasaray Fənərbağça oyununa xarici hakim cəlb olunacaq.

AzerVoice xəbər verir ki, Türkiyə Super Liqasının 25-ci həftəsində keçiriləcək oyunları idarə edəcək hakimlər bəlli olub.

Qalatasaray-Fənərbağça qarşılaşmasını sloveniyalı hakim Slavko Vinciç idarə edəcək.

Qeyd edək ki, son zamanlarda Türkiyə futbolunda hakim qərarları geniş müzakirə mövzusuna çevrilib. Xüsusilə Süper Liqada verilən bəzi qərarlar həm azarkeşlər, həm futbolçular, həm də klub rəhbərləri tərəfindən tənqid olunur. VAR sisteminin tətbiqi bəzi hallarda ədaləti təmin etsə də, bəzən qərarların gec verilməsi və ya qeyri-müəyyən hallarda istifadə olunması əlavə narazılığa səbəb olur.

Fənərbağça, Qalatasaray, Beşiktaş və Trabzonspor kimi böyük klubların baş məşqçiləri və rəhbərləri tez-tez mətbuat konfranslarında hakimlərə sərt tənqidlər yönəldirlər. Hakim təyinatları, VAR-ın düzgün işləməməsi və ya bəzi qərarların tərəfli olduğu iddiaları futbol gündəmini məşğul edir. Türkiyə Futbol Federasiyası (TFF) isə bu mövzuda təkmilləşdirmələr etmək və hakimlərin peşəkarlığını artırmaq üçün tədbirlər gördüyünü bildirir.