Bakı,AzerVoice
Cristiano Ronaldo, mövsümün sonunda müqaviləsinin başa çatmasından
sonra, Səudiyyə Ərəbistanının "Əl Nəsr" klubu ilə yeni bir illik
müqavilə imzalayacaq.
AzerVoice xəbər verir ki,
Portuqaliyalı ulduz bu yeni müqavilə ilə 200 milyon avro olan illik
maaşının üzərinə imic hüquqları və kommersiya gəlirləri ilə
qazancını daha da artıracaq.
Ronaldo, 2026-cı il dünya çempionatına hazır olmaq və Səudiyyə
Ərəbistanında müntəzəm oynamağa davam etmək istəyir.
O, 2023-cü ilin yanvarında "Mançester Yunayted"dən ayrılıb və "Əl
Nəsr"ə transfer olub.Klubunda indiyədək 90 matçda 81 qol vurub, 18
məhsuldar ötürmə verib. Bu mövsümdə isə 20 matçda 17 qol və 3
məhsuldar ötürmə qeydə alıb.
Fevral ayında 40 yaşını qeyd edəcək olan Ronaldo, hələ də yüksək
formada olduğunu göstərir.