Bakı,AzerVoice

Ötən il Səudiyyə Ərəbistanında futbol transferlərinə 1 milyard dollar xərclənib.

2024-cü ildə bu göstəricinin iki dəfə azalmasına baxmayaraq ən çox qazanan futbolçu Səudiyyə Ərəbistanındadır.

Dünyanın ən çox qazanan 10 futbolçusu arasında Səudiyyə Ərəbistanı Pro Liqasının dörd oyunçusu var.

Futbol əfsanələrindən olan Lionel Messi ABŞ-ın Böyük Futbol Liqasının yeganə oyunçusu kimi siyahıda yer alıb.

2024-cü ilin yayında transferlərə cəmi 524 milyon dollar (18,34 milyard TL) xərclənib.

Bunun əsas səbəbləri arasında neftin qiymətinin aşağı düşməsi və nəhəng layihələrə görə ölkənin 925 milyard dollarlıq sərvət fondunun sıxılması göstərilir.

Yenə də Səudiyyə klublarına transfer olunan ulduz futbolçuların maaşları rekord qırır.

Səudiyyəlilərin xərclərini azaltması İngiltərə Premyer Liqasına da təsir edib. Ötən il 3 milyard dollarlıq rekorda çatan transfer haqları bu il 2,5 milyard dollara düşüb.

Almaniya Bundesliqası və Fransa Liqa 1-də də əvvəlki illə müqayisədə xeyli geriləmə müşahidə olunub.

2024-cü ilin ən çox qazanan futbolçuları aşağıdakılardır:

1.Cristiano Ronaldo – 285 milyon dollar
2. Lionel Messi – 135 milyon dollar
3. Neymar – 110 milyon dollar
4. Kərim Benzema – 104 milyon dollar
5. Kilian Mbappe – 90 milyon dollar
6. Erling Haaland – 60 milyon dollar
7. Vinisius Jr. – 55 milyon dollar
8. Mohamed Salah – 53 milyon dollar
9. Sadio Mane – 52 milyon dollar
0. Kevin De Bruyne – 39 milyon dollar