BAKI, AzerVoice, Nailə Babazadə
Gənc MÜSİAD-ın beynəlxalq fəaliyyətləri çərçivəsində 1 noyabr 2025-ci il saat 10:00-da (“09:00-da qeydiyyat”) Bakıdakı “Fairmont Baku” otelinin Nizami zalında Avrasiya Gənc İş Adamları Forumu – EYBF 2025 təşkil olunacaq.
AzerVoice xəbər verir ki, forum, Türkiyə Prezident Administrasiyasına bağlı İnvestisiya və Maliyyə Ofisi, Türkiyə Gənclik və İdman Nazirliyi, Kiçik və Orta Biznesin İnkişafı Agentliyi (KOBİA) və Azərbaycan Sahibkarlar Konfederasiyası (ASK)-nın rəsmi tərəfdaşlığı ilə keçirilir.
Tədbirdə 45 ölkədən mindən çox sahibkarın iştirak etməsi gözlənilir. Proqram çərçivəsində B2B görüşlər, həmçinin regional ticarət və investisiya imkanları, e-ticarət, startap ekosistemi, texnologiya transferi və universitet–sənaye əməkdaşlığı mövzularında panel müzakirələr keçiriləcək.
