BAKI,AzerVoice
Səudiyyə Ərəbistanı bu il həcc dövründə qaydalara riayət etməyənlərə qarşı ciddi tədbirlər görəcəyini açıqlayıb.
AzerVoice xəbər verir ki, Səudiyyə Ərəbistanı Daxili İşlər Nazirliyinin verdiyi məlumata görə, sabahdan etibarən 44 gün davam edəcək yeni qaydalar çərçivəsində Məkkə-i Müqəddəsə və müqəddəs bölgələrə icazəsiz daxil olmağa cəhd edənlər 20 min riyal (təxminən 5,300 dollar) cərimələnəcək.
Bundan əlavə, ziyarət vizası ilə həcc etməyə çalışanlara kömək edənlər 100 min riyala (təxminən 26,000 dollar) qədər cərimə ödəyəcək. İcazəsiz həccə cəhd edən xarici vətəndaşlar isə deportasiya edilərək 10 il müddətinə ölkəyə girişdən məhrum ediləcək.
Ötən il Səudiyyə Ərəbistanı daxilindən 221,854 nəfər də daxil olmaqla, ümumilikdə 1,833,164 şəxs həcc ibadətini yerinə yetirib.
