BAKI, AzerVoice, Nailə Babazadə
2025-ci ilin yanvar – dekabr aylarında Türkiyədən BƏƏ-yə tekstil ixracı 2024-cü ilin eyni dövrü ilə müqayisədə 9,1 faiz artaraq, 30 milyon 857 min 91 dollara bərabər olub.
Bu barədə AzerVoice-a Türkiyə Ticarət Nazirliyindən məlumat verilib.
Türkiyə 2025-cü ilin dekabr ayında BƏƏ-yə tekstil ixracını 2024-cü ilin eyni dövrü ilə müqayisədə 46,4 faiz artaraq, 3 milyon 473 min 3 dollara çatdırıb.
Qeyd edək ki,2025-ci ilin yanvar-dekabr aylarında Türkiyənin tekstil ixracı ötən ilin eyni dövrü ilə müqayisədə 0,8 faiz azalaraq, 9 milyard 408 milyon 630 min dollara bərabər olub.
“Keçən ilin dekabr ayında Türkiyə 782 milyon 187 min dollar məbləğində tekstil ixrac edib ki, bu da keçən ilin dekabr ayı ilə müqayisədə 0,2 faiz çoxdur” – deyə nazirlikdən bildirilib.
Qeyd olunub ki, son 12 ay ərzində ( dekabr 2024- dekabr 2025) Türkiyə 9 milyard 408 milyon 630 min dollar məbləğində tekstil ixrac edib.