BAKI, AzerVoice
Ağ Ev bəyan edib ki, ABŞ Prezidenti Donald Tramp yeni icra əmri imzalayıb. Sənədə əsasən, Qətərin ərazisinə, suverenliyinə və ya həyati infrastrukturuna qarşı edilən hər hansı hücum ABŞ-ın milli təhlükəsizliyinə birbaşa təhdid sayılacaq.
AzerVoice xəbər verir ki, Ağ Evin açıqlamasında vurğulanıb ki, Vaşinqton belə bir addımı yalnız Körfəz bölgəsinə qarşı deyil, həm də ABŞ-ın sülh və təhlükəsizliyinə qarşı yönəlmiş hücum kimi qəbul edəcək.
Bəyanata görə, Qətərə qarşı mümkün hücum halında ABŞ həm hüquqi, həm də hərbi tədbirlər görməyə hazırdır. Rəsmi Vaşinqton bu addımı “iki ölkənin ortaq maraqlarının müdafiəsi” kimi qiymətləndirib.