BAKI, AzerVoice, Nailə Babazadə
Venesuela Dövlət Başçısı Nikolas Maduro milli müdafiə sistemini gücləndirmək məqsədilə Milli Bolivarcı Milis Qüvvələrinin genişləndirilməsi üçün yeni səfərbərlik elan edib.
AzerVoice xəbər verir ki, Maduro ABŞ-ın Karib hövzəsində artırdığı hərbi mövcudluğunu əsas gətirərək milis qüvvələrinin daha da gücləndirilməsi barədə yeni qərarlar açıqlayıb.
Maduro ölkə üzrə ilk dəfə olaraq 15 min 751 xalq müdafiə bazasının və 5 min 336 kommunal milis biriminin səfərbər ediləcəyini bildirib.
Venesuela Dövlət başçısı Maduro rəqəmsal platforma vasitəsilə vətəndaşların milis qüvvəsinə yazılmağa davam etdiyini qeyd edərək, illərdir təhsil almış təxminən 4.5 milyon nəfərlik "güclü baza"nın yanında könüllülərlə birlikdə bu sayın 8 milyonu aşmasının gözlənildiyini söyləyib.
Venesuelanın hər şəraitdə sülhü qoruma və xarici təhdidlərə qarşı özünü müdafiə qabiliyyətinə malik olduğunu vurğulayan Maduro bunun daha da gücləndiriləcəyini bildirib.
Venesuelalıların cəsarətinin dünya xalqları arasında heyranlıq oyatdığını söyləyən Maduro, "Cənubi Amerika və Kariblərin sülhünü təhdid edən, xalqların hüquqlarına hücum etməyə davam edən şimaldakı aşırı meylli qruplarla, nasist tendensiyaları ilə qarşı-qarşıyayıq" ifadəsini işlədib.
Qeyd edək ki, ABŞ Prezidenti Donald Tramp daha əvvəl imzaladığı fərmanla Latın Amerikası mənşəli narkotik kartellərinə qarşı yerində mübarizə iddiası ilə ordunun daha çox və effektiv istifadə olunması göstərişini vermişdi.
Maduronun 10 ildən artıqdır ABŞ-ın narkotik qaçaqçılığından məsul hesab etdiyi "Cartel de los Soles"in rəhbərliyi ilə əlaqəli olduğu iddia edilir, ABŞ Maliyyə Nazirliyi isə 25 iyulda "Cartel de los Soles"i Xüsusi Təyin Olunmuş Qlobal Terrorçu kimi tanımışdı.
ABŞ rəhbərliyi 8 avqustda Maduronun həbs olunması və ya məhkum edilməsi barədə məlumat verilməsi qarşılığında əvvəl 25 milyon dollar olan mükafatı 50 milyon dollara qaldırdığını açıqlamışdı.
Maduro 18 avqustda ABŞ-ın mümkün müdaxiləsi ilə bağlı açıqlamasında "Biz dənizlərimizi, səmaaltılarımızı və torpaqlarımızı müdafiə edirik, azad edirik, nəzarət edib patrul saxlayırıq. Heç bir imperiya Venesuelanın müqəddəs torpaqlarına toxuna bilməz və Cənubi Amerikanın müqəddəs torpaqlarına toxunmamalıdır." - deyə qeyd edib.
Trampın göstərişi ilə 28 avqustda Karib bölgəsinə Venesuela sularına yaxınlaşan bir sualtı qayıq və 7 döyüş gəmisindən ibarət dəniz qrupu bölgəyə yola çıxmışdı.