Bakı, AzerVoice
Putin “neoliberal dəyərlərdən qaçmaq istəyən”lərə Rusiyada yaşamaq icazəsi verən qanunu təsdiqləyib.
AzerVoice xəbər verir ki, Rusiya prezidenti Vladimir Putin neoliberal ideallardan qaçan qərblilərin ənənəvi dəyərlərin üstünlük təşkil etdiyi Rusiyaya köçə bilmələrini asanlaşdıracaq qanunu təsdiqləyib.
Bu qanun əsasında ölkələrinin neoliberal siyasətindən qaçmaq istəyən şəxslərdən rus dilini, Rusiya tarixini, əsas qanunları bildiyini təsdiq edən sənəd tələb olunmayacaq.
Belə ki, onlar qeyd edilən sənədləri təqdim etmədən Rusiyada müvəqqəti yaşamaq üçün müraciət etmək hüququ qazanacaqlar.
Xəbərdə həmçinin Rusiya Xarici İşlər Nazirliyinin edilən müraciətlərə, ən tez sentyabrda baxacağı və müraciət edənlərə üç aylıq vizaların veriləcəyi bildirilib.
Qeyd edək ki, Putin tez-tez çıxışlarında “ənənəvi ailə dəyərlərinin” vacibliyini vurğulayır.
Onu da xatırladaq ki, ötən ilin noyabrında Rusiya Ali Məhkəməsi “LGBT hərəkatını” ekstremist təşkilat kimi tanıyıb.
