Bakı. AzerPress:

Yaponiyada baş verən zəlzələdən sonra Xabarovsk diyarında sunami təhlükəsi elan edilib.

AzerPress xəbər verir ki, bu barədə Rusiya Fövqəladə Hallar Nazirliyinin region üzrə məlumatında deyilir.

"Saxalin vilayətinin sahillərində və Tatar boğazında, Xabarovsk diyarında sunami təhlükəsi elan edilib", - departamentin açıqlamasında bildirilir.

Onlar qeyd ediblər ki, yanvarın 1-də Yaponiyada (Honsyu adası) baş vermiş 7,5 bal gücündə güclü zəlzələ ilə əlaqədar təcili tədbirlər görülüb.

Bildirilir ki, Xabarovsk diyarının Vanino, Sovetsko-Qavanski, Ayano-Mayski və Oxotsk vilayətlərinin sahilyanı ərazilərində suyun səviyyəsinin 33 sm-ə qədər yüksələcəyi gözlənilir. Fövqəladə Hallar Nazirliyi əlavə edib ki, dalğanın yerli vaxtla saat 20:52-də (Moskva vaxtı ilə 13:52) yaxınlaşacağı gözlənilir.

Onlar məlumatın yerli hakimiyyət orqanlarına, liman rəhbərlərinə və Tatar boğazı və Oxot dənizi sularında olan gəmilərə çatdırıldığını vurğulayıblar. Əhalinin evakuasiyası tələb olunmur.

Bundan əvvəl Saxalinin Fövqəladə Hallar Nazirliyinin sunami təhlükəsi elan etdiyi bildirilirdi.

Yanvarın 1-də Yaponiyanın mərkəzində bir neçə güclü zəlzələ baş verib.