BAKI,AzerVoice, Fərid Mikayılov
Rusiya Prezidenti Vladimir Putinin xüsusi nümayəndəsi, Rusiya Birbaşa İnvestisiya Fondunun (RФПİ) baş icraçı direktoru Kirill Dmitriyev ABŞ-a getdiyini açıqlayıb.
AzerVoice xəbər verir ki, Dmitriyev paylaşımında Floridanın Mayami şəhərinə gedəcəyini bildirib.
Dmitriev ABŞ-da Donald Trampın xüsusi nümayəndəsi Stiv Uitkoff və Cared Kuşner ilə görüşəcək.
Bundan əvvəl xəbər verilmişdi ki, Tramp Ukraynadakı konfliktin nizamlanması üzrə danışıqların növbəti mərhələsini elan edib. ABŞ Prezidenti qısa müddət üçün Floridaya gedəcəyini və “çoxsaylı görüşlərin planlaşdırıldığını” qeyd edib.
Bu bəyanat Moskva və Vaşinqton nümayəndələrinin yaxın həftəsonu Ukrayna üzrə yeni danışıqlar aparacağı xəbərləri fonunda verilib. Danışıqlar Mayamidə baş tutacaq.