BAKI,AzerVoice, Fərid Mikayılov
İranın Xarici İşlər naziri Abbas Ərəqçi bildirib ki, Tehran Livanla ikitərəfli əlaqələri gücləndirməyə yönəlmiş dialoqa hazırdır, eyni zamanda ölkənin daxili işlərinə müdaxilə etmədiklərini vurğulayıb.
AzerVoice xəbər verir ki, bu barədə Ərəqçi X sosial media hesabında paylaşım edib.
“Livanın daxili işlərinə müdaxilə etmirik, lakin İran və Livan arasında ikitərəfli əlaqələri inkişaf etdirmək məqsədilə istənilən dialoqu alqışlayırıq,” – deyə Ərəqçi qeyd edib.
O, həmçinin əlavə edib ki, “üçüncü ölkəyə ehtiyac yoxdur. Həmkarımı Tehrana dəvət edirəm, əgər məni Beyrut səfərinə dəvət etsələr, məmnuniyyətlə qəbul edəcəyəm.”