BAKI, AzerVoice, Nailə Babazadə
Vaşinqton Beyrutla əməkdaşlıq çərçivəsində təhlükəsizlik qüvvələrinə dəstək proqramını genişləndirir.
AzerVoice xəbər verir ki, ABŞ administrasiyası Livanın təhlükəsizlik qüvvələrinə 230 milyon dollar dəyərində yardım ayırıb. Bu qərar “Hizbullah” qrupunun silahsızlaşdırılması səyləri çərçivəsində qəbul edilib.
Məlumata görə, ayrılan vəsaitin 190 milyon dolları Livan ordusuna, 40 milyon dolları isə Daxili Təhlükəsizlik Qüvvələrinə yönəldiləcək. Yardım ABŞ-da maliyyə ilinin başa çatmasına bir neçə gün qalmış- 30 sentyabr tarixindən əvvəl təsdiqlənib.
Amerikalı rəsmilər bu qərarın Livan kimi kiçik bir ölkə üçün “çox mühüm” addım olduğunu bildiriblər.
Bu qərar Donald Tramp administrasiyasının prioritetlərini əks etdirir. Tramp beynəlxalq yardımların azaldılması fonunda diqqəti əsasən regional münaqişələrin, xüsusilə Qəzza sektorundakı vəziyyətin həllinə yönəldir.