BAKI, AzerVoice, Nailə Babazadə
Çin Dövlət Başçısı Si Cinpin, Şanxay Əməkdaşlıq Təşkilatının çoxtərəflilik prinsipi ilə və beynəlxalq bərabərlik və ədalətin tərəfində duraraq, hegemonçuluğa və güc siyasətinə qarşı təsirli bir gücə çevrildiyini söylədi.
AzerVoice xəbər verir ki, Si Cinpin, Şanxay Əməkdaşlıq Təşkilatının Çinin Tiencin şəhərində keçirilən 25-ci Dövlət Başçıları Şurasının Toplantısının açılışında çıxış edib.
Təşkilatın yaradıldığı gündən bəri çoxtərəflilik prinsipi ilə hərəkət etdiyini, geniş məsləhətləşməyə və faydaların paylaşılmasına əsaslanan bir qlobal idarəetmə anlayışı ortaya qoyduğunu bildirən Si "ŞƏT, beynəlxalq bərabərlik və ədalətin tərəfində dayanaraq, sivilizasiyaların əhatəliliyini və bir-birindən öyrənməsini müdafiə edərək, hegemonçuluğa və güc siyasətinə qarşı təsirli bir gücə çevrildi." - deyə qeyd edib.
Çin lideri, təşkilat üzvlərinə fərqlilikləri bir kənara qoyaraq əməkdaşlığı və həmrəyliyi inkişaf etdirmək çağırışı edərək,"Bərabər və nizamlı çoxqütblü bir dünyanı və ümumi şəkildə əhatəli bir iqtisadi qloballaşmanı müdafiə etməli, qlobal idarəetmə sistemini daha bərabər və ədalətli etməliyik." - deyə vurğulayıb.
Si, ŞƏT-in üzv, müşahidəçi üzv və dialoq tərəfdaşı olmaqla 26 ölkənin iştirakı ilə dünyanın ən geniş regional təşkilatına çevrildiyinə diqqət çəkdi.
O, 50-dən çox sahəyə yayılan əməkdaşlığın təxminən 30 trilyon dollar dəyərində bir iqtisadi nəticə verdiyini bildirdi.
Si, Çinin ŞƏT-ə üzv ölkələrlə ticarətinin 2,3 milyard dolları keçdiyini, investisiyalarının isə 84 milyard dollara çatdığını vurğulayıb.
Si, ölkəsinin bu il ŞƏT üzvü olan ölkələrə 2 milyard yuan (280 milyon dollar) yardım edəcəyini və ŞƏT Banklararası Konsorsiumu çərçivəsində üzv ölkələrin banklarına 10 milyard yuan (1,4 milyard dollar) kredit təqdim edəcəyini açıqladı.
Çin lideri, növbəti 5 ildə ŞƏT üzvü olan ölkələrdə “Luban Emalatxanası” adlanan peşə təhsili mərkəzlərindən 10 ədəd açmağı və 10 min nəfərə peşə təhsili verməyi öhdəsinə götürüb.
