BAKI, AzerVoice
İran rusiyalı turistlər üçün viza qaydalarını sərtləşdirib.
AzerVoice xəbər verir ki, bu barədə ATOR Moskvadakı İran səfirliyinə istinadən məlumat yayıb. Artıq rusiyalı vətəndaşlar vizanı müstəqil şəkildə əldə edə bilməyəcəklər. Viza müraciətləri yalnız yerli turizm şirkətləri vasitəsilə və rusiyalı operatorların xətti ilə həyata keçiriləcək.
Səfirliyin açıqlamasına görə, qərar Yaxın Şərqdə vəziyyətin gərginləşməsi ilə bağlıdır və əsas məqsəd “arzuolunmaz şəxslərin ölkəyə daxil olmasının qarşısını almaqdır”.
Qeyd edək ki, 2023-cü ildə İran Rusiya və 32 ölkənin vətəndaşları üçün viza tələbini ləğv etmişdi ki, bu da turizmi artırmaq məqsədi daşıyırdı. Lakin son qərar bu imtiyazı ləğv edərək, rusiyalı turistlər üçün girişi çətinləşdirib.
