BAKI, AzerVoice, Səməd Əyyubov
ABŞ-ın Minnesota ştatının Minneapolis şəhərində yerləşən katolik məktəbində silahlı hücum baş verib.
AzerVoice xəbər verir ki, atışma nəticəsində 8 və 10 yaşlarında iki uşaq həlak olub, 14-ü uşaq olmaqla ümumilikdə 17 nəfər yaralanıb.
Məlumata görə, insident uşaqlar səhər ayini zamanı kilsədə olduqları vaxt baş verib. Hücumçu binanın xaricindən pəncərələrə atəş açıb.
Şəhər rəsmiləri atəş açan şəxsin zərərsizləşdirildiyini və hazırda əhali üçün təhlükə olmadığını bildiriblər. Mənbələrin məlumatına görə, hücumçu, ehtimal ki, intihar edib.
Qeyd edək ki, ABŞ-ın Corciya ştatındakı Emori Universitetinin ərazisində də oxşar silahlı insident baş vermişdi.
