BAKI, AzerVoice, Səməd Əyyubov
Çinin şimalında yerləşən Daxili Monqolustan muxtar bölgəsində baş verən güclü daşqın nəticəsində azı səkkiz nəfər həyatını itirib, dörd nəfər isə itkin düşüb.
AzerVoice xəbər verir ki, bu barədə Çinin “Sinxua” agentliyi məlumat yayıb.
Məlumata görə, hadisə ötən gün Pekin vaxtı ilə saat 22:00-da (Bakı vaxtı ilə 18:00) Bayan-Nur şəhər dairəsinin ərazisindəki turist düşərgəsində baş verib. Hazırda xilasedici qruplar itkin düşənlərin axtarışına cəlb olunub.
Bundan əvvəl, Pakistanda güclü daşqınlar səbəbindən 300-dən çox insanın həlak olduğu bildirilmişdi.