BAKI, Azervoice, Nərmin Ağayeva
Putin və Tramp arasında görüşün hazırlıqları başlayıb.
Azervoice xəbər verir ki, Kremlin müşaviri Yuri Uşakov yaxın günlərdə Rusiya prezidenti Vladimir Putinlə ABŞ prezidenti Donald Tramp arasında ikitərəfli görüşün keçiriləcəyini açıqlayıb. Uşakov bildirib ki, Amerika tərəfinin təklifi ilə görüşün ən yüksək səviyyədə təşkil olunması barədə razılıq əldə olunub və hazırda konkret hazırlıqlar davam edir.
Görüşün yeri və vaxtı barədə isə hələlik məlumat verilməyib.
Qeyd edək ki, bu görüş iki ölkə arasında münasibətlərin və beynəlxalq proseslərin gərgin olduğu bir dövrdə reallaşacaq və siyasi mütəxəssislər tərəfindən böyük maraqla gözlənilir.