BAKI, AzerVoice
Qəzza zolağının şimal bölgələrində partlayışlar baş verib.
AzerVoice xəbər verir ki, partlayışlar İsrail ordusunun Qəzza zolağına humanitar yardımın çatdırıla bilməsi məqsədilə saat 10:00-dan 20:00-dək (Bakı vaxtı ilə 11:00-dan 21:00-dək) hərbi əməliyyyatlarını dayandıracağı barədə verdiyi açıqlamadan sonra baş verib.
Partlayışlardan sonra qalxan tüstü, İsrailin Sderot bölgəsindən müşahidə olunub.
Qeyd edək ki, İsrail ordusu, Qəzza zolağının bəzi bölgələrində humanitar məqsədlərlə hərbi əməliyyatlarda gündəlik taktiki pauza tətbiq ediləcəyini açıqlayıb.
“Siyasi rəhbərliyin göstərişlərinə uyğun olaraq və Qəzza zolağına daxil olan humanitar yardımın həcmini artırmaq məqsədilə İsrail Müdafiə Ordusu bu gündən etibarən (27 iyul - red.) hərbi əməliyyatlarda taktiki pauza elan edir” - deyə, bəyanatda qeyd olunub.
İsrail xarici işlər naziliyi isə bildirib ki, Birləşmiş Millətlər Təşkilatının böyük miqdarda humanitar yardım paylaması gözlənilir.