BAKI, AzerVoice

İtaliya Baş nazir Giorgia Meloni hökuməti tərəfindən hazırlanan və qadın qətlinə görə ömürlük həbs cəzası nəzərdə tutan qanun layihəsi ilk qanunvericilik təsdiqini aldı.

AzerVoice xəbər verir ki, dünən keçirilən səsvermədə qanunun lehinə 161 səs olduğu halda, əleyhinə heç bir səs verilməyib.

Qanun layihəsi parlamentin aşağı palatası olan Deputatlar Palatası tərəfindən də təsdiqlənəcəyi təqdirdə qanuna çevriləcək.

Hökumətin hazırladığı qanun layihəsində göstərilir ki, qadın yalnız qadın olduğuna görə, nifrət və ya ayrı-seçkilik, yaxud onun hüquqlarını, azadlıqlarını və ya şəxsiyyətini boğmaq məqsədi ilə qətlə yetirilirsə, cinayəti törədən şəxs ömürlük həbs cəzasına məhkum edilir.

O, həmçinin qadın qətlinə görə məhkum edilmiş şəxslər üçün daha sərt həbsxana imtiyazları təklif edir və gender əsaslı zorakılıqla mübarizə üçün maarifləndirmə fəaliyyətləri üzrə öhdəlikləri gücləndirir.

Qeyd edək ki, ötən il 113 qadın qətli də daxil olmaqla qadınlara qarşı zorakılığın artması ictimaiyyətin qəzəbinə səbəb olub və İtaliya hökumətini tədbir görməyə vadar edib. Qanun layihəsi 8 Mart Beynəlxalq Qadınlar Günü ərəfəsində ictimaiyyətlə paylaşılıb.