BAKI, AzerVoice
Litvada Böyük Britaniya, ABŞ və Finlandiyaya məxsus qırıcı təyyarələrin iştirakı ilə Şimali Atlantika Alyansının (NATO) Hərbi Hava Qüvvələrinin “Neptun Zərbəsi” təlimləri keçirilir.
AzerVoice xəbər verir ki, bu barədə ölkənin ordu komandanlığı məlumat yayıb.
“Təlimlər Kazlu-Ruda və Payuostis poliqonları ərazisində keçirilir. Qarşıya qoyulan tapşırıqları ABŞ HHQ-nin F-18 Super Hornet qırıcıları, Böyük Britaniya HHQ-nin F-18 qırıcıları və Finlandiyanın Eurofighter Typhoon təyyarələri yerinə yetirir” – deyə məlumatda qeyd olunub.
Əməliyyatın yerüstü idarəsini İspaniya, İtaliya və Litvadan olan hərbi mütəxəssislər həyata keçirirlər. ABŞ-a məxsus "F-18 Super Hornet" təyyarələri təlimlər üçün Aralıq dənizində yerləşən "USS Gerald R. Ford" təyyarədaşıyanından havaya qalxıb. Təlim iştirakçıları NATO-nun məsuliyyət zonasında – Qara dəniz və Baltik dənizi regionlarında uzaqmənzilli hücumların icrasını sınaqdan keçirirlər.
Təlimlər iyulun 25-dək davam edəcək.
Qeyd edək ki, bu ilin sentyabr ayında Polşada da hərbi təlimlər keçiriləcək. “Dəmir Müdafiəçi” (Iron Defender) kod adı ilə keçiriləcək təlimlərdə NATO ölkələrindən 34 min hərbçi iştirak edəcək.
