BAKI, TurkicWorld

Kreml bugün verdiyi açıqlamada bildirib ki, yaxın günlərdə Ukrayna ilə keçirilməsi planlaşdırılan və son aylarda üçüncü dəfə baş tutacaq görüşlərdən "möcüzəvi irəliləyiş" gözlənilmir.

TurkicWorld xəbər verir ki, Kreml sözçüsü Dmitri Peskov çərşənbə axşamı keçirdiyi mətbuat konfransında jurnalistlərə açıqlamasında deyib.

“Çərşənbə günü keçiriləcək görüşlərdə hər hansı möcüzəvi irəliləyiş üçün ümid etməyə bir səbəb yoxdur.” - deyə Peskov bildirib.

Ukrayna Prezidenti Volodimir Zelenski dünən gecə yayımladığı ənənəvi videomüraciətində bildirib ki, Rusiya ilə müharibəyə son qoymaq üçün yeni danışıqlar turunun çərşənbə günü Türkiyədə keçirilməsi planlaşdırılır.

“Rusiya başladığı bu müharibəyə son qoymalıdır. Bu müharibəyə Rusiyadan başqa heç kimin ehtiyacı yoxdur.” - deyə Zelenski vurğulayıb.

O həmçinin bildirib ki, Ukrayna Milli Təhlükəsizlik və Müdafiə Şurasının katibi Rüstəm Umerovla görüşüb və Rusiya ilə planlaşdırılan əsir mübadiləsi proqramının hazırlığını müzakirə edib.

“Umerov görüşün çərşənbə günü planlaşdırıldığını bildirdi. Sabah daha ətraflı məlumat veriləcək.” - deyə Zelenski qeyd edib.