BAKI, AzerVoice

Hindistanda musson yağışları nəticəsində 125 nəfər həlak olub.

AzerVoice xəbər verir ki, Hindistanın şimalındakı Himaçal-Pradeş ştatında leysan yağışlar nəticəsində baş verən sel, torpaq sürüşməsi və yol qəzalarında 125 nəfər həyatını itirib.

İyunun 20-dən Himaçal-Pradeş əyalətinə təsir edən musson yağışları can və mal itkisinə səbəb olmaqda davam edir.

Fövqəladə Halların İdarə Olunması üzrə Dövlət Mərkəzindən (SDMA) verilən açıqlamaya görə, güclü musson yağışlarının səbəb olduğu sel, torpaq sürüşməsi və qəfil leysan yağışları nəticəsində ölənlərin sayı 70-ə çatıb.

Açıqlamada bildirilib ki, daşqınlar, sürüşmələr və qəfil leysan yağışları nəticəsində baş verən yol qəzalarında ölənlərin sayı 55-ə çatıb.

Həmçinin qeyd olunub ki, yağışlar infrastruktura ziyan vurub, 468 magistral yolu bağlayıb, 676 magistral su xəttini sıradan çıxarıb.

Qeyd edək ki, Cənubi Asiyada iyun-sentyabr ayları arasında təsirli olan musson yağışları, xüsusilə Hindistanda hər il genişmiqyaslı təbii fəlakətlərə və qəzalara səbəb olur.