BAKI, AzerVoice
Texasda daşqınlar nəticəsində itkin düşən 157 nəfərin yeri tapılıb.
AzerVoice xəbər verir ki, İyulun 4-də Texasda baş verən daşqınlardan sonra aparılan axtarış-xilasetmə işlərində itkin düşdüyü bildirilən 160 nəfərin böyük əksəriyyəti sağ tapılıb, itkin düşənlərin sayı üçə enib.
İyulun 4-də yağan leysan yağışların səbəb olduğu daşqınlardan sonra Kerr bölgəsində axtarış-xilasetmə işləri davam edir.
Səlahiyyətlilər ilkin olaraq itkin düşdüyü bildirilən şəxslərin əksəriyyətinin təhlükədə olmadıqlarının müəyyən edildiyini və bu şəxslərin itkin düşənlər siyahısından çıxarıldığını bildirib.
Qeyd edək ki, ABŞ-ın cənubundakı Texas ştatında iyulun 4-də qəfil yağan güclü yağışlar nəticəsində Kerr qraflığındaki Qvadalupe çayı daşqınlara səbəb olub. İndiyədək axtarış-xilasetmə tədbirləri davam etdirilir.