9
BAKI, AzerVoice
Böyük Britaniya və Avropa İttifaqı (Aİ) Rusiya neftinə tətbiq olunan qiymət tavanını endirdiklərini açıqlayıblar.
AzerVoice xəbər verir ki, bu barədə Böyük Britaniya hökumətinin rəsmi saytında yayımlanan açıqlamada deyilir.
Yeni müəyyən edilmiş tavan qiymət bir barel üçün 47,6 dollar təşkil edir.
“Böyük Britaniya və Aİ, Rusiya nefti üçün qiymət tavanını 47,6 dollara endirir” - deyə, açıqlamada qeyd olunub.
Qeyd edək ki, bundan əvvəl tətbiq olunan qiymət limiti 60 dollar idi.
Həmçinin qeyd edək ki, Böyük Britaniya bundan əvvəl də “Yeddilər Qrupu” (G7) çərçivəsində Rusiya neftinə tətbiq olunan qiymət tavanının azaldılmasının fəal tərəfdarı kimi çıxış edib.
