BAKI, AzerVoice
ABŞ Konqresinin Nümayəndələr Palatası Trampın 9,1 milyard dollarlıq ixtisar paketini təsdiqləyib.
AzerVoice xəbər verir ki, ABŞ
Nümayəndələr Palatası prezident Donald Trampın təşəbbüsü ilə
hazırlanmış və federal büdcədə 9,1 milyard dollarlıq ixtisarları
nəzərdə tutan qanun layihəsini qəbul edib.
Layihə 216 “hə” və 213 “xeyr” səsi ilə təsdiqlənib. Sənəd əsasən
ictimai yayım qurumları və xarici yardımlarda ciddi kəsintiləri
əhatə edir. Demokratlar bu addımın ABŞ-ın beynəlxalq nüfuzunu
zəiflədə biləcəyini bildirərək tənqid etsələr də, bəzi
respublikaçılar da layihə ilə bağlı şəffaflığın yetərli olmadığını
qeyd ediblər. Qanunun qüvvəyə minməsi üçün Tramp tərəfindən
imzalanması gözlənilir.
Qeyd edək ki, Tramp daha əvvəl ictimai yayım qurumlarına – NPR və PBS-ə dövlət maliyyəsinin dayandırılması üçün sərəncam imzalamışdı. İxtisar paketi ilkin olaraq 9,4 milyard dollar nəzərdə tutsa da, Senat müzakirələrindən sonra məbləğ 9,1 milyard dollara endirilib.