BAKI, AzerVoice
İran Silahlı Qüvvələrinin Baş Qərargah rəisi general-leytenant Əbdülrəhim Musəvi düşmənin mümkün yanlış hesablamalarının qətiyyətli cavabla qarşılanacağını bildirib.
AzerVoice xəbər verir ki, general Musəvi bu fikirləri Tehranda yerləşən İran İslam İnqilabı Keşikçiləri Korpusunun (SEPAH) Hava-Kosmik Qüvvələrinə etdiyi səfər zamanı səsləndirib.
“Əgər düşmən yenidən səhv edərsə, əsgərlərimiz onları peşman edəcəklər”, – deyə o, bildirib.
General Musəvi əlavə edib ki, bu cəsur və güclü əsgərlər mövcud olduqca İranın təhlükəsizliyi heç vaxt təhdid altına düşməyəcək.
O, eyni zamanda İran ordusunun yüksək mənəvi ruh halına və iradəyə sahib olduğunu vurğulayıb və müdafiə qabiliyyətinin artırılması məqsədilə silah istehsalının fasiləsiz davam etdiyini qeyd edib.
SEPAH Hava-Kosmik Qüvvələrinin komandanı, briqada generalı Məcid Musəvi də “Gerçək Vəd – III” əməliyyatı ilə bağlı hesabat təqdim edib.
O, İran Silahlı Qüvvələrinin strateji və operativ hazırlıq səviyyəsinin yüksək olduğunu vurğulayıb.
