BAKI, AzerVoice
İspaniya sahillərində 5,5 bal gücündə zəlzələ qeydə alınıb.
AzerVoice xəbər verir ki, bu barədə İspaniyanın Milli Coğrafiya İnstitutu məlumat verib.
Verilən məlumata əsasən, zəlzələ yerli vaxtla saat 07:13-də (Bakı vaxtı ilə 09:13-də) baş verib. Zəlzələnin episentri Aralıq dənizində, ölkənin cənub-şərqində yerləşən Palos burnu yaxınlığında olub. Yeraltı təkanların ocağı 2 kilometr dərinlikdə yerləşib.
Zəlzələ Mursiya və Andalusiya muxtar bölgələrinin bir sıra yaşayış məntəqələrində hiss olunub. Hazırda xəsarət alanlar və dağıntılar barədə məlumat yoxdur.