BAKI,
AzerVoice
Kaliforniya ilin ən böyük meşə yanğınları ilə üz-üzədir.
AzerVoice xəbər verir ki, ABŞ-ın
Kaliforniya ştatında bu il qeydə alınan ən genişmiqyaslı meşə
yanğını səbəbindən yüzlərlə yanğınsöndürən fövqəladə tədbirlərə
cəlb olunub.
Ştatın San Luis Obispo bölgəsində başlayan “Madre” yanğını artıq
213 kvadrat kilometr ərazini külə döndərib.
Ştatın qubernatoru Gavin Newsom təhlükənin miqyasına diqqət çəkərək, federal hökuməti və xüsusilə prezident Donald Trampı iqlim dəyişiklikləri və meşə yanğınları ilə mübarizə üçün kifayət qədər maliyyə ayırmamaqda ittiham edib. O qeyd edib ki, Kaliforniya ərazilərinin 57 faizi federal yurisdiksiya altındadır və məsuliyyətin əsas hissəsi məhz federal orqanların üzərinə düşür.
Gavin Newsom-un ofisi əlavə yanğınsöndürmə dəstələrinin bölgəyə göndərildiyini və dövlətin bütün icmaların müdafiəsi üçün səfərbər olunduğunu bildirib. UCLA universitetindən meteoroloq Daniel Swain isə Cənubi Kaliforniyada müşahidə edilən qeyri-adi quru iqlim şəraitinin bu yanğınlara zəmin yaratdığını bildirib.
Qeyd edək ki, Tramp administrasiyası iqlim fəlakətləri ilə mübarizə aparan əsas federal qurumlar – Meşə Xidməti, NOAA və FEMA-nın büdcələrini azaltmaqla tənqid olunub.
