BAKI, AzerVoice
İsveç hökuməti Ukraynanın mülki kibertəhlükəsizliyinin dəstəklənməsi məqsədilə 135 milyon kron (təxminən 14,19 milyon ABŞ dolları) ayırmaq qərarına gəlib.
AzerVoice xəbər verir ki, bu barədə İsveçin Hökumət Aparatı məlumat yayıb.
Verilən məlumata əsasən, ayrılan vəsait, İsveç, Ukrayna, Estoniya, Kanada, Danimarka, Fransa, Almaniya, Niderland, Polşa, Böyük Britaniya və ABŞ-ın birgə təşəbbüsü olan “Tallin Mexanizmi” çərçivəsində təqdim olunur. Bu təşəbbüs Ukraynanın mülki kibertəhlükəsizliyinin dəstəklənməsi, kibermüqavimət qabiliyyətinin artırılması və mülki infrastrukturunun qorunmasına yönəlmiş koordinasiyalı yardımı nəzərdə tutur.
Cari ilin aprel-sentyabr ayları arasında “Tallin Mexanizmi”nə İsveç və Fransa birgə sədrlik edir.
Qeyd edək ki, 2022-ci ilin fevralından bəri İsveçin Ukraynaya ümumi dəstəyi 93 milyard krona (təxminən 9,78 milyard ABŞ dolları) çatıb.
