BAKI, AzerVoice, Fərid Mikayılov

Türkiyədə kibercinayətkarlığa qarşı aparılan genişmiqyaslı əməliyyatlar çərçivəsində son beş gündə 24 şəhərdə 204 nəfər saxlanılıb.

AzerVoice xəbər verir ki, bu barədə Türkiyənin daxili işlər naziri Ali Yerlikaya X məlumat yayıb.

O bildirib ki, əməliyyatlar Kibercinayətkarlıqla Mübarizə İdarəsi və Maliyyə Cinayətlərinin Araşdırılması Şurası (MASAK) tərəfindən koordinasiyalı şəkildə aparılıb.

Əməliyyatlar nəticəsində saxlanılan 204 nəfərdən 68-i məhkəmə qərarı ilə həbs olunub, 30 nəfər barəsində isə məhkəmə nəzarəti tədbirləri tətbiq edilib. Qalan şübhəlilərlə bağlı hüquqi prosedurlar davam edir.

İstintaq zamanı müəyyən edilib ki, şübhəlilər:

• qanunsuz mərc və qumar platformaları üzərindən pul dövriyyəsi həyata keçirib,
• bu saytların reklamı və istifadəçi cəlbi ilə məşğul olub,
• uşaq müstəhənliyi ilə bağlı materiallar saxlayıb və yayıb,
• sosial şəbəkələrdə saxta profillər yaradaraq vətəndaşları aldadıb,
• “dövlət qurumu əməkdaşı”, “ucuz kredit”, “mal və xidmət satışı” kimi mövzular altında fırıldaqçılıq edib,
• şəxsi məlumatların əldə edilməsi və paylaşılması ilə bağlı qanunsuz fəaliyyət göstərib.

Nazir Ali Yerlikaya bildirib ki, kibercinayətkarlıqla mübarizə qətiyyətlə davam etdiriləcək.

“Bu şəbəkələr vasitəsilə törədilən qanunsuz mərc və dələduzluq cinayətlərinin qarşısı alındı. Vətəndaşlarımızı diqqətli olmağa çağırırıq”- deyə o bildirib.