6
BAKI, AzerVoice
Sudandakı bir xəstəxanaya edilən hücum nəticəsində uşaqlar və tibb işçiləri də daxil olmaqla 40-dan çox insan həlak olub.
AzerVoice xəbər verir ki, bu barədə Ümumdünya Səhiyyə Təşkilatının (ÜST) baş direktoru Tedros Adhanom Gebreyesus məlumat verib.
Məlumata görə, hücum şənbə günü Qərbi Kordofan əyalətində, Sudan ordusu ilə “Çevik Dəstək Qüvvələri” (RSF) arasında cəbhə xəttinə yaxın yerləşən Məcləd xəstəxanasına qarşı həyata keçirilib.
Tedros Gebreyesus səhiyyə infrastrukturuna edilən hücumların dərhal dayandırılmasına çağırıb, lakin hücuma görə kimin məsuliyyət daşıdığını dəqiq göstərməyib.
