BAKI, AzerVoice
İsrail hava məkanını bağladıqdan bir neçə saat sonra yenidən uçuşlara açıb.
AzerVoice xəbər verir ki, İranın cavab zərbələrindən sonra bağlanan İsrail hava məkanı atəşkəs razılaşmasından sonra yenidən kommersiya uçuşları üçün açılıb. Bu barədə İsrailin dövlət televiziyası KAN məlumat yayıb.
Məlumata görə, hava məkanı bağlandıqdan təxminən 3 saat sonra İsrail rəsmiləri yenidən uçuşlara icazə veriblər. ABŞ Prezidenti Donald Tramp gecə saatlarında sosial şəbəkə üzərindən İran və İsrail arasında atəşkəsin qüvvəyə mindiyini açıqlayaraq tərəfləri bu razılaşmanı pozmamağa çağırıb.
İsrail hökuməti isə bildirib ki, İran tərəfindən yaranan təhlükə aradan qaldırılıb və ABŞ-ın vasitəçiliyi ilə təqdim olunan atəşkəs təklifini qəbul ediblər.
Qeyd edək ki, İranın cavab hücumları fonunda İsrail bir sıra hərbi və mülki tədbirlər çərçivəsində hava məkanını müvəqqəti bağlamışdı.