BAKI,AzerVoice

ABŞ Xarici İşlər Naziri Marko Rubio, İngiltərə və digər dörd ölkənin Qəzza ilə bağlı verdikləri açıqlamalar səbəbindən iki sağçı İsrailli nazirə sanksiya tətbiq etmə qərarını tənqid edib.

AzerVoice xəbər verir ki, İngiltərə və dörd müttəfiq ölkə, Qəzza ilə bağlı şərhləri səbəbindən İsrailli nazirlər Bezalel Smotrich və Itamar Ben Qvirə sanksiya tətbiq edəcəyini açıqlayıb.

"Bu sanksiyalar atəşkəsin təmin edilməsi, bütün girovların evlərinə qayıtması və müharibənin sona çatması üçün ABŞ-ın liderliyindəki səyləri irəlilətmir"- deyə Rubio bildirib.

Avstraliya, Kanada, Yeni Zelandiya və Norveç ilə yanaşı, İngiltərə də İsrailli Bezalel Smotrich və Itamar Ben Qvirə sanksiya tətbiq edib.

Sanksiyaların nəticəsi olaraq hər iki nazirin səyahət qadağası və sərvətlərinin dondurulması ilə üzləşə biləcəyi gözlənilir.

İsrail hökuməti bu sanksiyaları sərt şəkildə pisləyib. Xarici İşlər Naziri Gideon Saar, bu addımı "çirkin" olaraq qiymətləndirib və növbəti həftə Netanyahu ilə bir araya gələrək rəsmi cavab verməyi müzakirə edəcəyini bildirib.