BAKI, AzerVoice
Texasda güclü fırtına- 160 mindən çox insan elektriksiz qalıb.
AzerVoice xəbər verir ki, ABŞ-ın Texas ştatında, xüsusilə Hyuston şəhərində baş verən güclü fırtına və ildırım səbəbindən 160 mindən çox insan elektrik enerjisiz qalıb.
ABŞ Milli Hava Xidməti (NWS) məlumat yayıb ki, bölgədə leysan yağış, dolu və sürəti saatda 100 kilometrə çatan külək müşahidə olunub. Hazırda Hyuston və ətraf ərazilərdə daha çox fırtına və təhlükəli hava şəraitinin davam edəcəyi gözlənilir.
Qeyd edək ki, ştat rəhbərliyi vəziyyətin gedişini yaxından izləyir və təcili yardım qrupları elektrik təchizatının bərpası üçün səfərbər olunub. Hava şəraitinə görə bölgədə bəzi məktəblər bağlanıb, nəqliyyatda isə gecikmələr qeydə alınıb.
