BAKI, AzerVoice
30 may tarixində Astanada Mərkəzi Asiya ölkələrinin liderləri ilə İtaliyanın Baş naziri Corca Meloninin iştirakı ilə ilk “Mərkəzi Asiya–İtaliya” sammiti keçiriləcək.
AzerVoice xəbər verir ki, bu sammit İtaliya hökumət başçısının regiona ilk yüksək səviyyəli diplomatik təşəbbüsüdür.
Əvvəlcə “Mərkəzi Asiya–İtaliya” sammiti və Meloninin Özbəkistan və Qazaxıstana səfəri 25–27 aprel tarixlərində baş tutmalı idi. Lakin 21 apreldə Roma Papasının vəfatı ilə əlaqədar bu planlar təxirə salınıb.
Qeyd edək ki, Mərkəzi Asiya dövlətləri – Qazaxıstan, Qırğızıstan, Tacikistan, Türkmənistan və Özbəkistan ilə digər ölkələr arasında bu formatda görüşlər artıq bir neçə ildir keçirilir. Həmçinin xarici işlər nazirləri səviyyəsində də bu cür toplantılar təşkil olunur.
Astananın yay aylarında “Mərkəzi Asiya–Çin”, payızda isə Düşənbədə “Mərkəzi Asiya–Rusiya” sammitlərinə ev sahibliyi etməsi planlaşdırılır.