BAKI, AzerVoice
Suriya rəhbərliyini Rusiya-Ərəb Sammitinə dəvət edəcəyik.
AzerVoice xəbər verir ki, Kremlin
sözçüsü Dmitri Peskov oktyabrda keçiriləcək Rusiya-Ərəb Sammitinə
Suriya rəhbərliyini dəvət edəcəklərini açıqlayıb.
Peskov bildirib ki, Moskva mövcud Suriya rəhbərliyi ilə əlaqələrini
davam etdirməkdə qərarlıdır və Suriyada maraqları mövcuddur.
Peskov həmçinin ABŞ prezidenti Donald Trampın Suriyaya qarşı sanksiyaları ləğv etməsini ABŞ-ın suveren qərarı kimi qiymətləndirib.
Ukrayna məsələsinə toxunan Peskov, danışıqlar prosesinin uzadılmasına qarşı olduqlarını, ikinci raundda əldə olunan humanitar razılaşmaların yerinə yetirilməsindən sonra növbəti mərhələyə keçiləcəyini vurğulayıb. O, Ukrayna ordusunun Rusiyanın dinc şəhərlərinə hücumlarını şiddətlə pisləyib və bu hücumlara qarşı tədbirlərin görüldüyünü qeyd edib.
Qeyd edək ki, Rusiya və Ərəb ölkələri arasında əməkdaşlığı möhkəmləndirmək məqsədilə keçiriləcək sammit oktyabrda Moskvada planlaşdırılır.
