BAKI, AzerVoice
ABŞ-ın Kaliforniya ştatının San Dieqo şəhərində Cessna 550 tipli təyyarə yaşayış məntəqəsinə düşüb.
AzerVoice xəbər verir ki, bu barədə ABŞ KİV-i məlumat yayıb.
Məlumata görə, qəza nəticəsində çox sayda insan həyatını itirib, azı 15 ev və çox sayda avtomobil yanıb, yüzə yaxın sakin isə təxliyə olunub.
Qəza nəticəsində ölən və yaralananların sayı ilə bağlı dəqiq məlumat verilməsə də, rəsmilər çox sayda insanın həyatını itirdiyini bildiriblər. Qəza zamanı təyyarədə pilot daxil olmaqla 8-10 nəfərin olduğu güman edilir. Məlumata görə, həlak olanların hamısı təyyarədə olanlardır.
San Dieqo Yanğınsöndürmə Xidmətinin rəis müavini Den Eddi bildirib ki, təyyarənin düşdüyü küçədə hər iki tərəfdəki avtomobillərin demək olar ki, hamısı yanıb.
Hazırda qəza yerində xilasetmə qrupları, Federal Təhqiqatlar Bürosu (FTB) və Federal Aviasiya Administrasiyası (FAA) araşdırma aparır.
