BAKI, AzerVoice
Almaniya kansleri Fridrix Mers yaxın zamanlarda ABŞ Prezidenti Donald Tramp ilə Avropa İttifaqı (Aİ) və ABŞ arasında ticarət məsələlərini şəxsən müzakirə etməyi planlaşdırır.
AzerVoice xəbər verir ki, bu barədə o, Berlində Yunanıstanın Baş naziri Kiriakos Mitsotakis ilə keçirdiyi birgə mətbuat konfransında bildirib.
“Keçən həftə Donald Trampla telefon danışığında dedim ki, biz – Almaniya Federativ Respublikası – amerikalılar üçün əsas əlaqə nöqtəsi olmamalıyıq. Amerika daha sonra bütün Avropa ilə, Avropa İttifaqı ilə danışıqlar aparmalıdır. Mən isə bu məsələdə digər Aİ ölkələrinin adından onunla danışmağa tam hazıram. Bunu yaxın gələcəkdə şəxsən edəcəyəm və iki konkret təklifimi bir daha səsləndirəcəyəm” - deyə, Mers qeyd edib
Almaniya Kanslerinin sözlərinə görə, birinci təklif gömrük rüsumlarının mümkün qədər azaldılması, ideal halda isə sıfırlanmasıdır.
Mers qeyd edib ki, bəzi sahələrdə texniki standartların qarşılıqlı tanınması həm ABŞ, həm də Aİ istehsalçıları üçün ticarətdə böyük üstünlüklər yaradacaq.
