BAKI, AzerVoice
ABŞ BƏƏ-yə 1,45 milyard dollar dəyərində silah satışı təklif edib.
AzerVoice xəbər verir ki, ABŞ Müdafiə
Təhlükəsizlik və Əməkdaşlıq Agentliyi (DSCA) Birləşmiş Ərəb
Əmirliklərinə ümumi dəyəri 1,45 milyard dollar olan iki ayrı silah
satışını Konqresin təsdiqinə təqdim edib.
Təklifə əsasən, BƏƏ 1 milyard 320 milyon dollar qarşılığında 6
CH-47F Blok II Chinook helikopteri, onların mühərrikləri, raket
xəbərdarlıq sistemləri və digər dəstək avadanlıqları əldə
edəcək.
İkinci paket isə 130 milyon dollar dəyərində F-16 təyyarələri üçün
texniki xidmət, ehtiyat hissələri və logistik dəstəyi əhatə
edir.
Qeyd edək ki, bu təklif ABŞ prezidenti Donald Trampın mayın 13-16-da Səudiyyə Ərəbistanı, Qətər və BƏƏ-yə planlaşdırılan səfəri ərəfəsində irəli sürülüb.
