BAKI, AzerVoice
İsrailin baş naziri Netanyahu ABŞ-la fikir ayrılıqlarının dərinləşdiyini açıqlayıb və təhlükəsizlik yardımlarından imtina edə biləcəklərini bildirib.
AzerVoice xəbər verir ki, ABŞ və
İsrail arasında Yəmən, İran və Qəzza məsələlərində fikir
ayrılıqları yaşanır. İsrailin baş naziri Benyamin Netanyahu İsrail
parlamentindəki qapalı iclasda ABŞ-dan alınan təxminən 4 milyard
dollarlıq təhlükəsizlik yardımına ehtiyac duymaya biləcəklərini
deyib.
ABŞ-ın Yaxın Şərq siyasətində İsraili ikinci plana keçirməsi və
Tramp administrasiyasının Yəməndə atəşkəsə razılaşması tərəflər
arasındakı gərginliyi artırıb.
Trampın nümayəndəsi Stiv Vitkoff isə Netanyahunun Qəzza ilə bağlı
siyasətini tənqid edərək İsrailin müharibəni məqsədyönlü şəkildə
uzatdığını bildirib.
Qeyd edək ki, Netanyahu ABŞ-dan təhlükəsizlik yardımı almağın dayandırıla biləcəyini ilk dəfə açıq şəkildə dilə gətirib və bu, iki ölkə arasında münasibətlərdə ciddi dönüş nöqtəsi kimi dəyərləndirilir.
