BAKI,
AzerVoice
Tramp dərman bazarında qlobal sarsıntı yaradacaq fərman
imzalayacağını açıqlayıb.
AzerVoice xəbər verir ki, ABŞ-ın sabiq
prezidenti Donald Tramp reseptlə satılan dərmanların qiymətlərini
kəskin şəkildə azaltmaq məqsədilə yeni icra sərəncamı
imzalayacağını bildirib.
Tramp bu qərarı Truth Social platformasında paylaşaraq, ölkəsinin
tarixində ən əhəmiyyətli fərmanlardan birinə imza atacağını qeyd
edib.
Trampın sözlərinə görə, fərmanın məqsədi ABŞ vətəndaşlarının dərmanlara daha ucuz və ədalətli şəkildə çıxışını təmin etməkdir. O, ABŞ-da dərman qiymətlərinin dünyanın digər ölkələrinə nisbətən çox yüksək olduğunu və bunun uzun illərdir tənqid mövzusu olduğunu bildirib.
“Eyni şirkət tərəfindən, eyni laboratoriyada istehsal edilən bir dərmanın ABŞ-da digər ölkələrlə müqayisədə 5-10 dəfə baha satılması izaholunmaz və ədalətsizdir.” - deyə o bildirib.
Tramp əlavə edib ki, əczaçılıq şirkətləri illərdir yüksək qiymətləri Tədqiqat və İnkişaf (AR-GE) xərcləri ilə əsaslandırır, lakin bu yük əsasən Amerika vətəndaşlarının üzərinə düşür.
Yeni sərəncam çərçivəsində ABŞ-ın dünyanın ən aşağı dərman qiymətləri ilə dərman alan ölkəsi olması hədəflənir. Dünya üzrə dərman qiymətlərinin yüksələcəyi, lakin bunun fonunda ABŞ-da ədalətin bərqərar olacağı vurğulanır.
Tramp bildirib ki, bu addım ABŞ-a trilyonlarla dollar qənaət qazandıracaq və səhiyyə sistemində ciddi dönüş nöqtəsi olacaq.
Qeyd edək ki, Donald Tramp ilk prezidentliyi dövründə də dərman qiymətlərinin azaldılması üçün bir sıra addımlar atılmışdı. Lakin bu sahədə ciddi sistem dəyişikliyi baş verməmişdi. Yeni elan edilən fərman isə qlobal dərman bazarına və əczaçılıq şirkətlərinin qiymət siyasətinə birbaşa təsir göstərə bilər.
